週一, 16 四月 2018 18:07

2018 DSE MATH 卷一/卷二分析

關於今年2018DSE份數學卷,有幾樣野好想講下。
首先係分析下今年份卷既概況,好多同學覺得整體上今年出得比上年難,應該咁講:Paper 1係出得淺左,Paper 2就出得好煩,兩者平衡之下,今年應該容易pass左,但要拎5或以上就會難過往年。總括黎講呢份卷其實似會考多過似DSE,明眼既同學會發現全卷有唔少翻炒成份,只要夠熟Past Paper,同埋夠鎮定,就問題不大。

事實上Paper 1係相對往年容易,好多同學嘅feed back都話對Paper 1比較有信心,而用黎分grade既題目一定係最後兩題:一題3D,一題equation of circle。
比較想講equation of circle:呢題不是在等腰三角形上考兩個面夾角,大部分同學係呢方面都比較少訓練,所以分高低GRADE黎講呢題都相當重要。

Paper 1其實冇乜好大嘅驚喜,同往年一樣其中section A 有一題三角形similar triangle,我哋都係tips度都再三提過大家,而最後一題inscribed circle其實都係DSE一貫嘅出法,想大家聯想到角平分線Angle bisector。

最值得講既係Paper 2卷二,相信大部份同學都覺得今年出得難左,事實上今年最主要係出得好煩,每題要用嘅時間比較長,時間分配成為大家面對最大嘅問題。有幾題我想同大家一齊分享一下,先講MC Q17,題目要搵嘅面積其實非常大路,但出題時將條件隱藏得幾好,如果無做開geometry training的話就會做得好辛苦。Paper 2致命位會係由第17題去到20幾題。原因其實同往年一樣,我成日都話geometry係DSE「特色」嘅出法,經常出返一D 初中內容但係程度算高嘅Geometry 問題。呢份卷入邊有幾條問題都係同Past paper好相似,我哋都係堂上tips提過關於Log Graph cut線題,而locus 一如過往出六大類,翻炒equal distance from two parallel lines。

講到要鬧嘅題目,今年其實有幾題問題真係出得幾離譜,例如MC Q6直線比較題,往年大家都知道呢啲問題應該放喺20題打後,但係今年第六題就出咗一條咁嘅問題,時間分配唔好就會令同學做得好急。其次係第34題linear programming,本身要畫圖已經好晒時間,仲要畫三條斜線,呢個問題比過往更加煩膠,但當然如果大家用我教你既推線處理應該會快好多。

唯一抵讚嘅係第45題,好明顯考試局想大家清楚乜嘢係Variance,學識點樣去理解呢個數字。好啦講到大家最關心嘅概率嘅問題,今年嘅概率其實可以話冇出過咁滯,全部嘅問題都係一啲翻炒又翻炒嘅Standard問題。

貫徹DSE嘅特色,就係時間好緊迫,今年係做得夠熟你就贏了,無咩新意,唔算太難,出少左好多古怪題目。考數學科同考語文科好唔同,考中文,連作者都唔知出題既人諗緊咩;數學就唔同喇,只要你操熟題目,了解背後concept,自然明白出題既人諗緊咩,付出既努力同收穫係成正比既。比心機呀2018DSE同學仔

 

AE 016 web banner v1 5